"Мы – грамадзяне Беларусі!"
13.03.2020
Мерапрыемства прайшло ва ўрачыстай зале аддзела ЗАГС. Віншавалі са значнай падзеяй у жыцці і ўручалі юным грамадзянам Рэспублікі Беларусь пашпарты старшыня Слуцкага райвыканкама Андрэй Уладзіслававіч Янчэўскі, дэпутат Палаты прадстаўнікоў Нацыянальнага сходу Рэспублікі Беларусь Валянціна Вітальеўна Ражанец, першы сакратар райкама БРСМ Кацярына Барысевіч. Разам з галоўным дакументам маладыя людзі атрымалі Канстытуцыі Рэспублікі Беларусь, кнігу "Я – грамадзянін Рэспублікі Беларусь", вокладку для пашпарта.
Падзея важная ў жыцці не толькі для юных грамадзян, але і для іх бацькоў, якія з гонарам назіралі за сваімі дзецьмі.
На мерапрыемстве таксама прысутнічалі прадстаўнікі аддзела ўнутраных спраў райвыканкама, упраўлення па адукацыі, аддзела ідэалагічнай работы, культуры і па справах моладзі райвыканкама, Слуцкага раённага аб'яднання прафсаюзаў.
Навучэнцы дзіцячай школы мастацтваў падарылі прыгожы міні-канцэрт.